Is:5

Գրք. Is, Գլ. 5 [(1895)]

Գրք. Is., Գլ. 5 [KJV]


5:1 Երգեցից սիրեցելոյ այգւոյ իմոյ զերգս սիրելւոյ նորա. Այգի եղեւ սիրեցելոյն յանկեան``, ի տեղւոջ պարարտութեան:	5:1 Now will I sing to my wellbeloved a song of my beloved touching his vineyard. My wellbeloved hath a vineyard in a very fruitful hill:

5:2 ^[66]Ցանգով փակեցի, ձողաբարձ զարդարեցի, եւ տնկեցի որթ սորեկ. աշտարակ շինեցի`` ի միջի նորա, եւ գուբ հնծան ^[67]փորեցի ի նմա. եւ մնացի`` զի բերցէ խաղող, եւ եբեր ^[68]փուշ:	5:2 And he fenced it, and gathered out the stones thereof, and planted it with the choicest vine, and built a tower in the midst of it, and also made a winepress therein: and he looked that it should bring forth grapes, and it brought forth wild grapes:

5:3 Եւ այժմ, արք Յուդայ եւ բնակիչք Երուսաղեմի, դատ արարէք ընդ իս եւ ընդ այգի իմ:	5:3 And now, O inhabitants of Jerusalem, and men of Judah, judge, I pray you, betwixt me and my vineyard:

5:4 Զի՞նչ ինչ առնել էր այգւոյ իմում, եւ ես ոչ արարի նմա. մնացի զի բերցէ խաղող` եւ եբեր ^[69]փուշ:	5:4 What could have been done more to my vineyard, that I have not done in it? wherefore, when I looked that it should bring forth grapes, brought it forth wild grapes:

5:5 Եւ արդ ես ինձէն պատմեցից զինչ արարից ընդ այգի իմ. քակեցից զցանգ նորա, եւ եղիցի յափշտակութիւն. կործանեցից զպարիսպս նորա, եւ եղիցի ի կոխումն:	5:5 And now go to; I will tell you what I will do to my vineyard: I will take away the hedge thereof, and it shall be eaten up; [and] break down the wall thereof, and it shall be trodden down:

5:6 Եւ թողից ^[70]զայգի իմ``, եւ մի՛ յատցի եւ մի՛ բրեսցի, եւ բուսցի ի նմա փուշ ^[71]իբրեւ ի խոպանի``. եւ պատուէր տաց ամպոց իմոց` զի մի՛ տեղասցեն յայգի իմ:	5:6 And I will lay it waste: it shall not be pruned, nor digged; but there shall come up briers and thorns: I will also command the clouds that they rain no rain upon it:

5:7 Զի այգի Տեառն զօրութեանց` տունն Իսրայելի է, եւ մարդն Յուդայ` նորատունկ սիրելի. ^[72]մնացի զի արասցէ իրաւունս, եւ արար անիրաւութիւն, եւ ոչ արդարութիւն` այլ աղաղակ:	5:7 For the vineyard of the LORD of hosts [is] the house of Israel, and the men of Judah his pleasant plant: and he looked for judgment, but behold oppression; for righteousness, but behold a cry:

5:8 Վա՜յ այնոցիկ որ յարեն տուն ի տուն, եւ ագարակ առ ագարակ մերձեցուսցեն, ^[73]զի զընկերին հանիցեն``. միթէ միա՞յն բնակելոց իցէք յերկրի:	5:8 Woe unto them that join house to house, [that] lay field to field, till [there be] no place, that they may be placed alone in the midst of the earth:

5:9 Նա աւանիկ ազդ եղեւ ^[74]յականջս Տեառն զօրութեանց այդ ամենայն``. զի եթէ եղիցին տունք բազումք, սակայն յաւեր դարձցին. եւ եթէ մեծամեծք եւ գեղեցիկք իցեն, ոչ ոք իցէ որ բնակիցէ ի նոսա:	5:9 In mine ears [said] the LORD of hosts, Of a truth many houses shall be desolate, [even] great and fair, without inhabitant:

5:10 Զի ուր գործիցեն տասն լուծք եզանց, եղիցի անդ սափոր մի. եւ որ սերմանիցէ ^[75]արդուս վեց``, ժողովեսցէ ^[76]գրիւս երիս:	5:10 Yea, ten acres of vineyard shall yield one bath, and the seed of an homer shall yield an ephah:

5:11 Վա՜յ այնոցիկ ոյք յառնեն ընդ առաւօտս եւ զհետ լինին ցքւոյն, որ երեկանան ի նմին. զի գինին իսկ անդէն զնոսին այրէ:	5:11 Woe unto them that rise up early in the morning, [that] they may follow strong drink; that continue until night, [till] wine inflame them:

5:12 Փողովք եւ թմբկաւ եւ քնարաւ եւ երգովք զգինին ըմպեն, եւ ի գործս Տեառն ոչ հային, եւ զգործս ձեռաց նորա ոչ առնուն ի միտ:	5:12 And the harp, and the viol, the tabret, and pipe, and wine, are in their feasts: but they regard not the work of the LORD, neither consider the operation of his hands:

5:13 Այսուհետեւ ի գերութիւն մատնեցաւ ժողովուրդ իմ, վասն ոչ ճանաչելոյ նոցա զՏէր, եւ ^[77]բազում եղեն դիակունք նոցա վասն սովոյ հացի եւ ծարաւոյ ջրոյ:	5:13 Therefore my people are gone into captivity, because [they have] no knowledge: and their honourable men [are] famished, and their multitude dried up with thirst:

5:14 Եւ`` լայնեցին դժոխք զանձինս իւրեանց, եւ բացին զբերանս իւրեանց`` ^[78]զի մի՛ դադարեսցեն. եւ իջցեն փառաւորք եւ մեծամեծք եւ մեծատունք եւ ժանտագործք նոցա``, եւ զուարճացեալն ի նմա:	5:14 Therefore hell hath enlarged herself, and opened her mouth without measure: and their glory, and their multitude, and their pomp, and he that rejoiceth, shall descend into it:

5:15 Եւ խոնարհեսցի մարդ, եւ անարգեսցի այր, եւ աչք ամբարտաւանք խոնարհեսցին:	5:15 And the mean man shall be brought down, and the mighty man shall be humbled, and the eyes of the lofty shall be humbled:

5:16 եւ բարձրասցի Տէր զօրութեանց իրաւամբք, եւ Սուրբն Աստուած փառաւորեսցի արդարութեամբ:	5:16 But the LORD of hosts shall be exalted in judgment, and God that is holy shall be sanctified in righteousness:

5:17 Եւ արածեսցին ^[79]յափշտակեալքն իբրեւ ցուլք, եւ զաւերակս մնացելոցն գառինք`` կերիցեն:	5:17 Then shall the lambs feed after their manner, and the waste places of the fat ones shall strangers eat:

5:18 Վա՜յ այնոցիկ ոյք ձգեն զմեղս իւրեանց իբրեւ ^[80]երկայն պարանաւ, եւ իբրեւ փոկով լծոյ երնջոց` զանօրէնութիւնս:	5:18 Woe unto them that draw iniquity with cords of vanity, and sin as it were with a cart rope:

5:19 Ոյք ասեն թէ` Վաղվաղակի մերձեսցի զոր առնելոցն իցէ` զի տեսցուք, եւ եկեսցէ խորհուրդ Սրբոյն Իսրայելի` զի գիտասցուք:	5:19 That say, Let him make speed, [and] hasten his work, that we may see [it]: and let the counsel of the Holy One of Israel draw nigh and come, that we may know:

5:20 Վա՜յ այնոցիկ ոյք ասիցեն զչարն բարի, եւ զբարին չար. ոյք դնիցեն զլոյսն խաւար, եւ զխաւարն լոյս. ոյք դնիցեն զդառն քաղցր, եւ զքաղցրն դառն:	5:20 Woe unto them that call evil good, and good evil; that put darkness for light, and light for darkness; that put bitter for sweet, and sweet for bitter:

5:21 Վա՜յ այնոցիկ որ զանձինս առ իմաստունս ունիցին, եւ յաչս անձանց իւրեանց խորհրդականք:	5:21 Woe unto [them that are] wise in their own eyes, and prudent in their own sight:

5:22 ^[81]Վա՜յ հզօրացդ ձերոց որ ըմպեն զգինին, եւ իշխանացդ որ խառնեն զցքին:	5:22 Woe unto [them that are] mighty to drink wine, and men of strength to mingle strong drink:

5:23 որ արդարացուցանեն զամպարիշտն վասն կաշառոց, եւ զիրաւունս գողանան զարդարոյն:	5:23 Which justify the wicked for reward, and take away the righteousness of the righteous from him:

5:24 Վասն այնորիկ` որպէս վառի եղէգն ի կայծականց հրոյ, ^[82]այնպէս այրեսցին`` ի բորբոքեալ բոցոյ. եւ արմատ նոցա իբրեւ զմղեղ եղիցի, եւ ծաղիկ նոցա իբրեւ զփոշի ելանիցէ. զի ոչ կամեցան զօրէնս Տեառն զօրութեանց, այլ եւ ^[83]գրգռեցին եւս զբանս Սրբոյն Իսրայելի:	5:24 Therefore as the fire devoureth the stubble, and the flame consumeth the chaff, [so] their root shall be as rottenness, and their blossom shall go up as dust: because they have cast away the law of the LORD of hosts, and despised the word of the Holy One of Israel:

5:25 Եւ բարկացաւ սրտմտութեամբ Տեառն զօրութեանց ի վերայ ժողովրդեան իւրոյ, եւ արկ զձեռն իւր ի վերայ նոցա եւ սատակեաց զնոսա, ^[84]բարկացաւ ի վերայ լերանց``, եւ եղեն դիակունք նոցա իբրեւ աղբ զճանապարհաւ. ի վերայ այսր ամենայնի ոչ դարձաւ սրտմտութիւն նորա, այլ տակաւին ձեռն իւր բարձրացեալ է:	5:25 Therefore is the anger of the LORD kindled against his people, and he hath stretched forth his hand against them, and hath smitten them: and the hills did tremble, and their carcases [were] torn in the midst of the streets. For all this his anger is not turned away, but his hand [is] stretched out still:

5:26 Այսուհետեւ ամբարձցէ նշան յազգս հեռաւորս, եւ ^[85]ածցէ զնոսա`` ի ծագաց երկրի. եւ ահա վաղվաղակի արագս ընթասցին, եւ թեթեւս հասանիցեն:	5:26 And he will lift up an ensign to the nations from far, and will hiss unto them from the end of the earth: and, behold, they shall come with speed swiftly:

5:27 Ոչ քաղցիցեն եւ ոչ վաստակեսցեն, եւ ոչ նիրհեսցեն եւ ոչ ննջեսցեն, եւ ոչ լուծցեն զգօտիս ի միջոյ իւրեանց, եւ ոչ հատցին խրացք կօշկաց նոցա:	5:27 None shall be weary nor stumble among them; none shall slumber nor sleep; neither shall the girdle of their loins be loosed, nor the latchet of their shoes be broken:

5:28 Որոց նետք իւրեանց սրեալ են, եւ աղեղունք լարեալք. սմբակք երիվարաց նոցա իբրեւ զվէմ հաստատուն համարեցան, անիւք կառաց նոցա իբրեւ զմրրիկ:	5:28 Whose arrows [are] sharp, and all their bows bent, their horses' hoofs shall be counted like flint, and their wheels like a whirlwind:

5:29 ^[86]Դիմեսցեն իբրեւ զառիւծունս, եւ հասցեն`` իբրեւ զկորիւնս առիւծուց, գոչեսցեն եւ յարձակեսցին եւ հատցեն գազանաբար, եւ ոչ ոք իցէ որ փրկիցէ զնոսա:	5:29 Their roaring [shall be] like a lion, they shall roar like young lions: yea, they shall roar, and lay hold of the prey, and shall carry [it] away safe, and none shall deliver:

5:30 Աղաղակ արասցեն վասն նոցա յաւուր յայնմիկ իբրեւ զձայն ծովու ամբոխելոյ ալեօք. ^[87]հայեսցին յերկինս ի վեր եւ յերկիր ի խոնարհ, եւ ահա խաւար խստութեան ի տարակուսանս նոցա:	5:30 And in that day they shall roar against them like the roaring of the sea: and if [one] look unto the land, behold darkness [and] sorrow, and the light is darkened in the heavens thereof: